A jornalista marinhã Laura R. Cuba será a nova responsável do Portal Galego da Língua a partir desta semana. A coordenaçom do sítio web era antes competência do filólogo Ernesto V. Sousa, quem cede o seu posto e continuará a colaborar com o projeto nos próximos meses.
Laura R. Cuba (Burela, 1993) é graduada em Jornalismo e Comunicaçom Audiovisual pela Universidade de Santiago de Compostela. Trabalhou em diversos meios como La Voz de Galicia, El Progreso, Axencia Galega de Noticias, Sermos Galiza e Adiante. Além disto, a burelã também colaborou com outros meios de comunicaçom como Coralia, A Cuarta Parede e Novas de Galiza ou organizaçons sociais como o Observatorio da Mariña pola Igualdade.
Ganhadora em setembro do passado ano do XI certame de poesia Victoriano Taibo de Gondomar, a nova coordenadora combinará o seu labor no PGL com os estudos no mestrado de formaçom de professorado. Segundo a própria Cuba, o seu objectivo principal nesta nova andaina é manter e respeitar o trabalho feito no percurso do portal web ao tempo que pretende “abrir a porta do PGL a novas vozes e realidades, com especial atençom para mulheres, pessoas LGTB e pessoas racializadas”.