PGL – O Parlament da Catalunha aprovou ontem a a Llei d’Educació de Catalunya (LEC), a primeira lei educativa que desenvolve umha comunidade autónoma.
A LEC concede à Generalitat (o governo autonómico) da Catalunnha competência exclusiva em matéria lingüstica, e assim, a língua veicular de todas as disciplinas, com a excepçom dos idiomas, será o catalám. Ademais, a LEC rejeita o decreto estatal que reclamava a terceira hora de castelhano.
Com a nova lei, a Generalitat aposta polo idioma próprio do País, ao tempo que procura um modelo de educaçom trilingüe no que o alunado domine o catalám, o castelhano e umha terceira língua umha vez finalizada a educaçom secundária obrigatória (ESO).
A nova norma procura umha reordenaçom do ensino em Catalunha e fomentar práticas concretas que ajudem a conseguir a igualdade e excelência do sistema educativo.
+ Ligaçons relacionadas:
- Fonte: S’aprova la Llei d’educació (Generalitat de Catalunya)
