PGL – A Associaçom Galega da Língua (AGAL) e a associaçom de intervençom cultural Andaime apresentarom esta manhá em Santiago de Compostela os primeiros cursos de português dirigidos especificamente para galegos/as, e que terám lugar na cidade do Porto.
O principal objectivo de ambas as associaçons é desenvolver um programa formativo que potencie a aprendizagem da variante portuguesa a partir da galega.
Esta iniciativa procura dar resposta às inquedanças de numerosas empresas, profissionais, movimento associativo e persoas que procurárom nos últimos anos um maior e melhor conhecimento do português polas oportunidades económicas, laborais, educativas, culturais e de promoçom em diferentes ámbitos da que é actualmente a sexta língua mais falada no mundo.
Os cursos terám lugar nos meses de julho e agosto na sede da academia inLingua (Porto), com umha duraçom de umha semana. Os grupos estarám compostos por um máximo de sete pessoas, que receberám três horas de aulas preenciais cada manhá, complementadas com cinco horas en modalidade e-learning.
O projecto inclui também um programa complementar de actividades culturais para as tardes, centrado no conhecimento da cidade do Porto e da cultura portuguesa. Existe também a possibilidade de concertar o alojamento com antecipaçom através dos contactos que as associaçons porám ao dispor das pessoas interessadas.
+ Ligaçons relacionadas:
