PGL – No dia 23 de outubro, sexta-feira, às 20h30 será apresentado no C.S. A Revolta de Vigo o novo projecto de URG (Universidade Rural Galega). A encarregada de apresentar este novo projecto será Paula Ares.
A actividade dará começo às jornadas de problemáticas ambientais organizadas pola EPG (Escola Popular Galega), com sede na Rua Real de Vigo.
Criada com a ideia de fazer visível a realidade do rural galego, a URG tentará servir de altifalante de toda essa realidade para contribuir a pôr em valor as tradiçons rurais, favorecer o seu reconhecimento e dignificaçom e a fazer chegar à sociedade toda a riqueza do mundo rural.
Objectivos da URG:
- Colaborar na recuperaçom, conservaçom e difusom dos saberes tradicionais do meio rural.
- Ponher em valor as iniciativas de recolhida, conservaçom e difusom das tradiçons rurais.
- Favorecer o reconhecimento e dignificaçom do meio rural e da sua história.
- Fazer chegar à sociedade toda a riqueza pessoal, colectiva e etnográfica do rural.
- Ser umha rede que facilite a intercomunicaçom de todos os grupos que acreditam na dignidade e no futuro do rural.
+ Ligaçons relacionadas:
