PGL – No domingo dia 3 de Janeiro terá lugar a apresentaçom do livro Galician rhapsody, blues escocés, livro bilíngüe (galego e inglês) da autoria de Óliver Escobar, publicado por Morgante (Rinoceronte Editora) em parceria com a Universidade de Stirling. O acto terá lugar às 17h00 no Salom de Actos de Jove, Lugo.
A apresentaçom juntará duas geraçons de artistas galegos que tivérom um impacto chave na nova geraçom de criadores da Marinha luguesa: os escritores Victorino Pérez Prieto e Marica Campo, o pintor Xoán Guerreiro e o professor e ex-presidente da AGAL Bernardo Penabade.
Desta obra, escreveu umha resenha o crítico Heitor Mera, que oferecemos a seguir:
“Óliver Escobar demonstra ser possuidor de umha sensibilidade poética e um domínio da palavra, tanto na versom original (criadora), como na traduçom (recriadora) que envolve o leitor nas suas mais variadas formulaçons: épica, amorosa, intimista, política, reivindicativa… É umha explosom poético-vivencial baseada na descoberta paulatina a partir da chegada a Escócia e a lembrança da Galiza”
(Faro da Cultura, 22/10/09)
