PGL – Hoje, terça-feira dia 22 de dezembro, a sala Sargadelos da cidade de Ponte Vedra acolherá a apresentaçom pública, na cidade do Leres, da obra Atlas Histórico da Galiza e do seu contorno Geográfico e Cultural, de José Manuel Barbosa.
Esta obra coloca Galiza no centro, estudando-a como um Tudo, em lugar de como parte de um Tudo. A obra conta com mais de oitenta ilustraçons e mapas e combina os materiais gráficos com os textos para oferecer umha visom que abrange, de modo exaustivo, todas as épocas e momentos históricos da Galiza, da Pré-historia à actualidade, e proporciona umha explicaçom detalhada de cada um deles.
Em total oferecem-se-nos neste Atlas 70 textos informativos (2 da Pré-história, 5 da Proto-história, 2 da Idade Antiga, 36 da Idade Média, 9 da Idade Moderna e 16 da Idade Contemporânea) e 85 mapas (2 da Pré-história, 5 da Proto-história, 12 da Idade Antiga, 41 da Idade Média, 9 da Idade Moderna e 16 da Idade Contemporânea).
O Atlas Histórico da Galiza está editado por Edições da Galiza, selo editorial específico para a Galiza de Polífona Edições, que também deu a lume outra obra que trata extensamente aspectos históricos do nosso País intitulada As Tribos Calaicas.
+ Ligaçons relacionadas:
- De mapas e lições. Umas considerações pertinentes sobre o Atlas de Galiza [PGL, 10/11/2008]
-
O Atlas Histórico da Galiza apresenta- se em Lugo. [PGL, 22/10/2008]
