PGL – A Rádio Kalimera começa umha nova temporada com a comemoraçom de um programa especial e a celebraçom de umha festa na Sala Nasa de Compostela na que participarám diversos grupos da cena musical galega.
O evento, que terá lugar no dia 2 de outubro, sexta-feira, começará às 12h com umha jornada especial de microfones abertos. As pessoas interesadas em participar, deverám visitar o estúdio da Rádio Kalimera, sito no 1º andar do Centro Social A Gentalha do Pichel (Santa Clara, 21 – Compostela), até as 18h00.
Já à noite, às 21h30, haverá umha festa que se celebrará na Sala Nasa (Santo Lourenço 51-53) e na que participarám os grupos galegos Pista 5, Os da ria, Arremecaghona’s produçions e Garcia de Dios Ke Te Crew. O preço para assistir à festa será de 5 euros.
