PGL – A Ciber-irmandade da Fala, colectivo virtual que trabalha para a defesa da língua e cultura galegas, retirou de entre as suas amizades o secretário geral de Politica Lingüística, Anxo Lorenzo, que perdeu esta condiçom por votaçom maioritária dos membros da CIF.
Os motivos esgrimidos polo colectivo som os seguintes:
1- O seu nomeamento político, no qual voluntariamente admite o rol de co-artífice do novo decreto lingüístico, criado exclusivamente para rebaixar e incluso eliminar a presença da nossa língua no ensino.
2- O seu suporte à ruptura do consenso lingüístico normalizador que ele mesmo avalizava há pouco tempo.
3- A sua colaboraçom, por acçom ou omissom, na eliminaçom do tratamento igualitário do galego no acesso à funçom pública.
4- O seu silêncio cúmplice perante a eliminaçom do apoio institucional a todo o que pode considerar-se Cultura Galega.
5- As suas declaraçons ofensivas contra os que, desde múltiplos ámbitos, defendemos a normalizaçom lingüística do nosso idioma e nos mobilizamos civicamente na sua defesa.
+ Ligaçons relacionadas
- CiberIrmandade da Fala
- Novo ciber-objectivo: os ‘Teletubbies’ na TVG, em galego [PGL, 11/01/2010]
- Galeguizar a asseguradora “Génesis”, novo objectivo da ciberirmandade [PGL, 05/11/2009]
- Novo objetivo da Ciberirmandade da Fala: galeguizar o Banco Etcheverria [PGL, 30/09/2009]
