PGL – Amanhá, domingo dia 12 de Julho, às 18 horas, o Teatro Principal de Santiago de Compostela acolherá umha sessom especial dedicada à cinematografia portuguesa de curtas-metragens com umha selecçom de alguns filmes que vam estar em destaque no festival de além Minho.
A sessom que terá lugar no nosso país é composta polas curtas-metragens Passeio de Domingo de José Miguel Ribeiro, 3X3 de Nuno Rocha, Mi vida en tus manos de Nuno Beato, Listening to the silences de Pedro Flores e Montanha Fria de Luís Alves de Matos. Ademais, estas sessons contarám com a presença dos realizadores portugueses.
A extensom à Galiza é feita em colaboraçom com o “Festival de cinema Curtocircuito” e com o apoio do “Instituto Camões”.
A competiçom internacional do festival apresentará no total 46 filmes que atestam o excelente momento que atravessa o panorama mundial de produçom de curtas, caracterizados polas abordagens às temáticas que marcam a actualidade e com um total de 27 países representados, predominando a produçom europeia mas com um número significativo de filmes vindos da América Latina, regiom que tem vindo a afirmar-se como a que mais tem dado que falar nos recentes festivais internacionais, tanto nas longas como nas curtas-metragens.
Os preços dos bilhetes custam 3 € para as sessons de cinema, e entre os 3 € e os 12,50€ para os filmes concerto e performances. Para umha participaçom mais atenta do festival é possível adquirir o passe-livre por 40 €.
+ Ligaçons relacionadas:
