PGL – O seminário Lingua, sociedade e política na Galiza, que organiza o Conselho da Cultura, abrirá no próximo 4 de Maio a sua terceira sessom. Desta feita, o encontro centrara-se na problemática da língua em relaçom com os meios de comunicaçom e ao ámbito socioeconómico.
Analistas como François Grin, da Universidade de Genéve ou Franciso Sanjiao revisarám a relaçom entre economia e língua, enquanto Tapio Varis ou José del Valle serám os principais responsáveis de ver a situaçom e os discursos dos mídia em relaçom aos idiomas. O prazo de inscriçom está aberto no web do Conselho.
Organizaçom do seminário
O seminário desenvolverá-se em quatro sessons, ao longo dos meses de Dezembro de 2009 a Junho de 2010, e cada unha delas estará focada para vários temas monográficos. Na primeira, que tivo lugar em Dezembro do passado ano, foi analisada a situaçom sócio-lingüística actual.
A segunda sessom, que tivo lugar no mês de Março, centrou-se nos dous modelos possíveis de oficialidade e na regulaçom lingüística no sistema educativo.
No próximo mês de Maio haverá umha terceira sessom, na qual será analisada a situaçom sócio-lingüística nos mídia e no ámbito socioeconómico. O seminário encerrará com umha quarta sessom, em Junho de 2010, na qual se debaterá sobre os modelos de convivência para o futuro e se recolherám as principais conclusons das quatro sessons.
O objectivo final dos actos é a elaboraçom de um relatório, que conterá unha selecçom dos relatórios e intervençons no seminário, e um texto de conclusons elaborado polos coordenadores, que será submetido à discussom dos participantes. Este documento será também levado ao Conselho da Cultura Galega.
