PGL – A Universidade da Corunha (UDC) apresentou a sua carta de adesom ao projecto a favor de um domínio na Internet para a comunidade cultural e lingüística galega, o .gal, somando-se assim às mais de cem entidades que tenhem mostrado o seu apoio à iniciativa.
A UDC, importante entidade representativa da nossa comunidade cultural e lingüística, soma-se às mais de cem entidades que tenhem mostrado o seu apoio formal à iniciativa promovida pola Associaçom PuntoGal, entre as que se destacam associaçons culturais e juvenis, centros galegos no exterior, meios de comunicaçom, associaçons profissionais, empresas, e as entidades mais salientáveis do âmbito da nossa língua, cultura e sociedade.
