PGL – A nova Lei de Comercio eliminará a obriga de usar o galego nos letreiros dos estabelecimentos comerciais do País, como recolhia o projecto aprovado polo anterior Governo do bipartido, permitindo aos seus titulares rotular na língua que estimem oportuno «conforme à liberdade de empresa e estabelecimento».
Assim o anunciou o presidente da Junta, Alberte Núñez Feijóo, perante a imprensa, depois da reuniom semanal do seu Governo e na qual o conselheiro para a Economia e a Indústria, Xavier Guerra compareceu para apresentar o conteúdo do novo anteprojecto de lei.
Na sua intervençom, os dous mandatários destacárom que «a liberdade no uso do idioma será absoluta» e assegurárom que o novo quadro normativo substitui umha lei que data de 1988, polo qual se «actualiza e moderniza» um sector que «evoluiu muito» nos últimos anos.
Por sua banda Feijóo destacou que a nova lei busca «um equilíbrio» entre a protecçom do consumidor e o pequeno e médio comércio dentro dum cenário de liberalizaçom europeia.
Feijóo que procura a imersom lingüística nos colégios e liceus do nosso País, só no caso do inglês e nunca no do galego, dá umha nova virada de costas para a nossa língua, esquecendo novamente o significado da expressom: discriminaçom positiva, com que se tencionava dar visibilidade à nossa língua, praticamente inexistente na rotulaçom comercial na Galiza.
