PGL – A Mostra Internacional de Teatro de Riba d’Avia, a MIT, convoca a quinta ediçom do prémio de criaçom teatral, dotado economicamente com 3000 euros mais o financiamento da montagem ganhadora.
Roberto Pascual, director da MIT, aproveitou a convocatória dumha nova ediçom para anunciar a “Colecçom Abrente”, que nasce com o intuito de divulgar textos dramáticos em língua galega, «por ser o teatro a actividade que maior incidência e projecçom histórica outorgou à Agrupaçom Cultural Abrente» (1969-1983).
Desde o ano 2006, e em lembrança dos “Concursos de Textos Teatrais” que organizara em tempos a associaçom, o concelho de Riva d’Avia convoca o concurso Prémio Abrente para Textos Teatrais, que atinge agora a quinta ediçom. A publicaçom da obra será na ‘Colecçom Abrente de textos teatrais’, da editorial Difusora de Letras, Artes e Ideias.
