PGL – O presidente da Mesa, Carlos Callón, reuniu-se com o presidente da Deputaçom de Ponte Vedra, Rafael Louzán, para resolver as dúvidas a respeito do financiamento recebido polo colectivo Galicia Bilingüe para as jornadas contra o nosso idioma.
Segundo informam da Mesa, os dous temas que centrárom o encontro fôrom a decisom do organismo provincial de deixar de comprar livros em galego e o financiamento das «cinicamente chamadas Jornadas Bilingües, as primeiras na historia da democracia em todo o Estado nas que umha administraçom pagou, com dinheiro de todas e todos, os ataques contra a diversidade e a convivência lingüística».
Callón, que questionou a legalidade de financiar um acto de ataque à cultura da Galiza e de racismo lingüístico, solicitou que se conheçam as contas das jornadas. Apontando para a possibilidade de o custo ser de 60.000 euros, e destacando as fotografias publicadas das jornadas, a Mesa conclui que se desembolsárom 2.000 euros por participante.
