PGL – O presidente da Mesa pola Normalizaçom Lingüística, Carlos Callón, julga cruciais os próximos meses para o futuro da língua e chamou a sociedade galega à mobilizaçom contra as medidas reacionárias e discriminatórias do actual Governo a respeito da língua própria da Galiza.
A Mesa convocou ontem a imprensa para alertar das medidas do actual Governo em matéria de língua destacando o recente e polémico caso das Galescolas, o decreto do ensino ou a supressom de ajudas à traduçom de obras para o galego. Na linha do já referido, Callón assinalou que frente ao que estipulam o Estatuto ou a Lei de normalizaçom lingüística o PP desde a Junta da Galiza «nom apresentou ningumha medida a favor do galego, mais sim varias no caminho da discriminaçom lingüística».
Finalmente Callón destacou que nos próximos dias a plataforma Queremos Galego, formada por mais de 40 entidades, anunciará um calendário de mobilizaçons para o outono em defensa da língua. Por este motivo, o presidente do colectivo normalizador advertiu de que «Feijóo será um sepultureiro frustrado do nosso idioma».
+ Ligaçons relacionadas:
