PGL Países Cataláns – O Escritório de Direitos Linguísticos da Obra Cultural Balear (OCB) realizou umha conferência de imprensa para denunciar um caso grave de discriminaçom lingüística acompanhado de agressom física.
A conferência de imprensa contou com a participaçom da vítima, Ivan Cortés; o chefe do Escritório de Direitos Linguísticos, e o coordenador da Obra Cultural Balear, Tomeu Martin. Em primeiro lugar, o agredido explicou os feitos e remarcou que procedia dumha família espanhol-falante. O facto de ter aprendido catalám é o seu contributo para com a sociedade balear.
A agressom teria acontecido em 7 de agosto, quando Ivan Cortés e a sua namorada estavam prestes a apanhar um aviom com destino a Londres. Nesse momento, agentes deste corpo militarizado solicitárom a documentaçom do casal. O jovem, respondeu por duas vezes em catalám até que foi intimidado para fazê-lo castelhano. A negativa do jovem às imposiçons dos tres agentes causou grande ira nos agentes policiais, que arrastrárom com grande violência ao jovem até os departamentos policiais, onde foi vítima de agressons na cabeça, a boca e o estômago.
Magoado, ao chegar a Londres Ivan Cortés solicitou um informe médico que dera conta da agressom. Já na volta à ilha, o jovem denunciou os factos jurídica e publicamente. Da cordinadora polos Direitos Linguísticos, que acompanhou o caso desde o princípio, salientam que os factos som demonstráveis, pois há câmaras de vigiláncia que filmárom as agressons e destacárom que nom é a primeira vez que se denunciam este tipo de agressons a falantes de catalám.
Outros casos
Há dous anos informávamos no PGL do anúncio de sançom a vários agentes da Guarda Civil que vexaram umha intérprete de catalám que se tinha dirigido a eles nesta língua, também nas Ilhas Baleares. Naquela altura, a própria Delegaçom do Governo espanhol no arquipélago pediu desculpas públicas, e mais tarde foi remetida umha nota informativa a todos os corpos policiais do Estado lembrando-lhes a obriga de respeitarem os direitos lingüísticos de toda a cidadania.
+ Ligaçons relacionadas:
- Fonte
- Expediente aberto a Guardas Civis por vexar umha falante de catalám [Velho PGL, 03/09/2007]
