PGL – No passado dia 11 de Setembro de 2008, no quadro das II Jornadas de Didáctica da Língua que se realizárom em Ourense, sob a organizaçom da AGAL, o professor Jorge Rodrigues Gomes ministrou umha interessante conferência subordinada ao título «A etnografia linguística e o seu uso nas aulas».
Durante a sua exposiçom, o professor Rodrigues Gomes realizou umha apresentaçom das gírias gremiais galego-portuguesas em que se caracterizam como linguagens especiais com entidade própria e se explicam os processos de criaçom do léxico que as constitui. Igualmente, assinalou as aplicaçons didácticas que o estudo das gírias gremiais oferece.
A palestra finalizou com a apresentaçom do livro Falas Secretas. Estudo das gírias gremiais galego-portuguesas e ibéricas, comentando o seu processo de elaboraçom, o conteúdo fundamental, e as partes em que se estrutura a investigaçom.
- Descarregar Áudio em MP3 [43 MB]
- Descarregar Apresentaçom em Diapositivos [3.12 MB]
