A Deputaçom da Corunha premiará as empresas que fomentem o uso do galego

PGL – A Deputaçom da Corunha convocou um certame para premiar as instituiçons, pessoas e empresas que ponham em andamento iniciativas para fomentar  o uso do galego. O certame, que leva o nome de Rosália de Castro, está aberto a projectos de toda a comunidade, porém, o júri valorizará especialmente aquelas que tiverem repercussons na Corunha.

O júri estará composto por representantes da Deputaçom, da Secretaria Geral de Política Lingüística, de associaçons corunhesas e de membros da UdC.

O prémio nom está dotado economicamente, por isso o ganhador receberá apenas umha figura em reconhecimento do seu trabalho como defensor da nossa língua.