PGL – Amanhá, dia 11 de novembro às 19h30 terá lugar na livraria galego-portuguesa Orfeu de Bruxelas, o debate aberto “A blogosfera galega: tecendo desde a esquerda o idioma e a naçom”.
A blogosfera galega jogou um papel fundamental para a mobilizaçom social e política depois do afundamento do Prestige e segue jogando um papel fundamental na defesa do nosso idioma e como instrumento de comunicaçom alternativo a uns mídia muitas vezes instrumentalizados polo poder.
A defesa de um domínio próprio, o .GAL; a reivindicaçom da Galiza como naçom no mundo e na rede, sem fronteiras e com a dignidade e a criatividade, positivismo e auto-estima que um país deve ter como naçom no mundo, serám objecto de debate em Bruxelas, cumha ampla delegaçom galega de bloggers e activistas da rede que se deslocárom até a capital da Bélgica para participar num seminário sobre “Activismo político na rede em Europa”, organizado polo grupo dos Verdes-Aliança Livre Europeia, no que está integrado o Bloco Nacionalista Galego.
A delegaçom galega estará composta por Marcos Pérez Pena, Xabier Pérez Igrexas, María Yáñez Anllo, Manuel M. Barreiro, Xosé Manuel Pereiro, Manoel Santos, Antón Baamonde, Fernando Arrizado, Xurxo Salgado e Filipe Diez.
