PGL – O presidente da Junta, Alberto N. Feijóo, reconhecia em entrevista a El Correo Gallego que a incorporaçom do inglês ao ensino será de maneira gradual. Na conversa, o presidente assinala que se garantirá o equilíbrio de 50% entre galego e castelhano enquanto nom se incorporar a língua inglesa.
Na linha do referido, Feijóo explica que só os docentes que quiserem ministrarám as suas aulas em inglês.
Pola contra, ao longo do fim de semana passado, tivérom lugar diferentes críticas ao Decreto do Bilinguismo. Assim, a Associaçom Galega de Editores, explicava que com o novo documento nom poderám dar resposta às necessidades de materiais em diferentes línguas previstas na proposta de Educaçom.
Por sua vez, o Conselho da Juventude da Galiza e a Federaçom Galega de Religiosos do Ensino da Galiza também se posicionárom contra o rascunho, enquanto a Coordenadora de Trabalhadores pela Normalizaçom Linguística (CTNL), publicou umha análise sobre a proposta, na qual denuncia que, se for aprovado, nom garantiria o conhecimento do galego no ensino.
