PGL – A Associaçom Galega da Língua celebrará hoje, dia 20 de novembro, umha festa de boas vindas para os novos sócios e sócias. O acto de confraternizaçom terá lugar a partir das 21h30 no local da Gentalha do Pichel, sito no n.º 21 da Rua Santa Clara (Santiago de Compostela).
Após um breve discurso do presidente da associaçom, o professor Valentim Rodrigues Fagim, haverá petiscos, concurso do Planeta NH e diversos prémios. Também, quem tiver dotes para a música, poderá desfrutar com o karaoke galego-português que será instalado para o evento.
Guedelhudos da AGAL já confirmárom a sua presença, polo que é possível que haja quem decida levar consigo a sua air-guitar para curtir com o resto do pessoal. Ainda, se as pessoas tiverem força e vontade, a festa poderá continuar polos bares de Compostela já na madrugada.
Se és sócio desde há 2 anos ou menos e ainda nom confirmache a tua presença, escreve já para o correio electrónico secretaria [arroba] agal-gz.org e aponta-te à festa!
