PGL – Mais de 40.000 alunos e alunas de centros educativos de todo o País percorrerám as ruas de 14 comarcas no quadro do Corre-língua 2010, umha proposta lúdico-festiva que completa 10 anos e que nasceu com o intuito de que o alunado poda reivindicar os seus direitos lingüísticos.
No manifesto que lerám os alunos e alunas participantes no Corre-língua 2010, elaborado por eles próprios, acusam o presidente da Junta da Galiza de “vender trilingüismo” para “evitar o galego” no sistema educativo.
As carreiras deste ano terám lugar nas comarcas de Santiago de Compostela (3 de Maio), de Ourense (4 de Maio), da Marinha e da Ribeira Sacra (5 de Maio), da Estrada e do Baixo Minho (6 de Maio), da Barbança e de Trasancos (7 de Maio), do Salnês (10 de Maio), de Monte-Rei e dePonte Vedra (11 de Maio), de Lugo (12 de Maio), da Corunha (13 de Maio) e de Vigo (14 de Maio).
Ainda, em todas as jornadas haverá um concerto no que os alunos serám os encarregados de escolher os participantes de entre mais de 40 grupos da cena musical galega, no quadro dum concurso (Canta-língua 2010) organizado polo portal Komunicando, a Associaçom Sócio-Pedagógica Galega, a Confederaçom Intersindical Galega-Ensino, a Mesa pola Normalización Lingüística e os concelhos de Lugo, Ponte Vedra, Santiago e Vigo.
As votaçons, que dependem agora da decissom do júri, deixárom em primeiro lugar aos Avante! –um grupo que aposta polo reintegracionismo lingüístico-, seguidos de Meiga do norte, Pito de Picasso e Esquíos.
