PGL – Chega à Sala Nasa a terceira ediçom do Obradoiro do Espectador, proposta do Grupo Chévere consolidada já como agente mediador entre a arte e a sociedade, em que os participantes tenhem a oportunidade de receber chaves que lhes permitem compreender os códigos narrativos e formais das artes cénicas contemporáneas.
Concebidas para partilhar em grupo a experiência do teatro, as actividades do Obradoiro do Espectador estruturam-se em três apartados: assistência a espectáculos, encontros-colóquio com os criadores e adestramento regular do espectador, que terám lugar nos Centros Socioculturais de Santiago. Os espectáculos e o colóquio posterior terám lugar na sala NASA nos meses de Janeiro, Fevereiro e Março de 2010.
O período de inscriçom foi aberto no dia 18 de Janeiro, com um preço de 24€ para os três obradoiros, 8€ para cada obradoiro e 3€ para a Tripulaçom. Estes preços incluem as entradas para os espectáculos. O número máximo de participantes será de 20 pessoas.
A primeira sessom contará com a palestra de Xesús Ron, director da sala Nasa e da companhia, proporcionando uma contextualizaçom sobre o teatro. Os espectáculos aos que se poderá assistir serám as obras Rewind, de Borja Fernández e Uxía Vaello; Z, de Sergi Fäustino; e Pressing catch, de Berrobambán. As sessons serám nos dias 24 e 27 de Janeiro e no 10 de Março.
