PGL – Os orçamentos que a Junta dedicará à Política Lingüística em 2010 sofrem um drástico recorte de mais do 20%, nom só no que respeita a 2009, mas também com respeito os últimos orçamentos do governo presidido por Fraga em 2005.
A língua galega recebe umha nova facada, continuando desprotegida na nossa terra por quem tem a obriga de fazê-lo. Assim, embora os orçamentos gerais da Junta baixem um 0,4%, os dedicados a Política Lingüística baixarám mais de um 20%, e deste modo, entre outras medidas, os recursos para campanhas de normalizaçom da língua desceram um 36%, o que significa dous milhons de euros menos.
Na mesma linha do anterior, associaçons sem fim de lucro terám um 25% menos de ajudas, as Equipas de Normalizaçom Lingüística dos centros de ensino públicos um 20% menos, e as empresas editoriais um 50% menos para projectos em língua galega.
Como dato curioso, destacar que a única partida que sobe (14,6%) é a dedicada aos centros de estudos galegos no exterior, porém, como indicado, na Galiza baixam.
Mais umha outra polémica
Em contraposiçom com o desamparo ao que é submetida a nossa língua na Galiza, o soldo do presidente do Governo nom fica congelado como prometido, senom que sobe em mais de 250 euros, por causa de um “erro informático”. Como já apontam algumhas vozes na Internet galega, mais umha vez sem surpresas, o computador da Junta continua sem cometer o primeiro erro em favor do galego.
