A Fundaçom Manuel Maria de Estudos Galegas, junto com a Federaçom Galiza Cultura e a Associaçom Cultural e Musical Solfa de Compostela organizam em Outeiro de Rei o Convívio da Cultura Galega, uma jornada festiva de encontro de todo o associativismo cultural galego de base. O encontro deste ano será no sábado 11 de julho.
Os organizadores aspiram a consolidar este Convívio como ponto de encontro para dialogar, compartilhar proposições e experiências e ajudar a tecer rede entre a cultura galega de base. Escolheram Outeiro de Rei por ser lugar de nascimento de Manuel Maria, alicerce fundamental na construçom e dinamização do movimento cultural galego.
A organizaçom anima a contribuir com proposições para a dinamizaçom da jornada e convida a participar a todos os grupos musicais interessados nos atos que decorrerám na Casa-Museu do poeta e na Carvalheira de Santa Isabel, um extraordinário espaço natural e lugar da tradicional Romaria da patroa que agora se tenta recuperar.
Quem quiger terá ao seu dispor um serviço de autocarros que ligarám diferentes comarcas com Outeiro de Rei. Podem-se consultar os pontos de saída e fazer as reservas no telefone 698 177 621.
