PGL – Carvalho acolhe até o dia 1 de novembro a XVIII ediçom do Festival Internacional Outono de Teatro (FIOT), que iniciará a oferta cultural com a estreia da obra A Tempestade, representada pola Companhia do Chapitô de Lisboa.
Para além do teatro em salas, o FIOT organiza mais um ano actividades paralelas como o Teatro de rua, divertidos espectáculos de pequeno formato que tenhem lugar em diferentes locais de Carvalho como bares, cafetarias e tascas ou a XI Ediçom da Rua dos Contos, na que participam os organizadores do festival, a Asociación Cultural Telón e Aparte e a Cámara de Carvalho, junto com os patrocinadores. Ainda, há outras actividades como o IX Concurso escolar de Teatro Lido “Xosé Manuel Eirís”, o Obradoiro de expressom oral: E tu que contas?, Café com… Jogral de Outono ou o Encontro de Festivais.
Polo Paço da Cultura passarám umha dezena de espectáculos, dos que cinco som estreia na Galiza e outro no Estado espanhol. Ademais das últimas criaçons de duas importantes companhias galegas, Teatro do Morcego e Teatro do Noroeste, os assistentes poderám desfrutar com produçons de Portugal, Argentina, Chile ou Espanha.
+ Ligaçons relacionadas:
