DEZ ANOS NA PORTA

10 anos da Porta Verde do Sétimo Andar

A Porta Verde do Sétimo Andar leva a celebraçom dos seus dez anos à Corunha



cartazportaverdedezanosA Porta Verde do Sétimo Andar celebrará nos centros sociais corunheses A Comuna (Verea do Polvorím, 35) e Gomes Gaioso (Marconi, 9) os seus dez anos de existência. Para conmemorar esses dez anos de encontros poéticos, este coletivo nascido em Vigo no ano 2005 editou umha escolma com poemas de todas as pessoas que nalgum momento teriam colaborado ou participado nos seus eventos. No livro poderám-se encontrar pois textos de antigos membros como Cruz Martínez, Rosanegra ou Luis Vinhas, ao pé de membros ainda ativos como Miguel Ángel Alonso Diz, Alfonso Láuzara, Maria José Fernandez López, Rochi Nóvoa ou Iolanda Aldrei. Também de pessoas muito habituais nos encontros como Manolo Pipas, Miguel Alonso ou Pili Mera.

A Porta Verde está a fazer apresentaçons polo pais adiante da antologia, que leva por título “Dez Anos na Porta”. Já se celebrarom atos de apresentaçom em Lugo, Vigo e Compostela e, no caso de Corunha, haverá evento repartido entre dous centros sociais de Monte Alto. À partir das 20 horas terá lugar um recital poético acompanhado com a música do guitarrista Pedro Campos no Centro Social A Comuna, e às 22:15 começará o concerto do cantautor corunhês César Morán no Centro Social Gomes Gaioso.

A Porta Verde optou nesta ocasiom por fazer o ato de apresentaçom desta antologia tam especial em dous espaços auto-geridos, para reivindicar a cultura de base, a auto-organizaçom popular e, naturalmente, a liberdade de expressom num momento no que esse direito democrático se está a ver mais ameaçado do que nunca.

  • Data: 19 de Fevereiro
  • Hora: 20 horas/22:15 horas
  • Lugar: Centro Social A Comuna/ Centro Social Gomes Gaioso

PUBLICIDADE