PGL – Xavier Alcalá, primeiro presidente da AGAL, publicou em 1990 a obra Cárcere Verde, reeditada em 1993 pola editora SM em castelhano com o título Contra el viento. O título foi copiado pola vencedora do último Prémio Planeta.
Após conhecer o título da obra ganhadora da última ediçom do Prémio Planeta: Contra el viento, o escritor e engenheiro Xavier Alcalá manifestou sua intençom de apresentar umha reclamaçom pola apropiaçom indevida do título. O autor galego tem umha obra homónima publicada em 1993 e registada no ISBN com o número 84-348-4050-0.
Alcalá, embora nom acuse a autora espanhola de plágio, afirmou que «o que nom tem desculpa, por parte desta mulher nem do seu editor, é o facto de que nom tenham consultado o registo ISBN antes de editar a novela» e destaca: «Agora que sejam consequentes e que nom digam que copiei eu nengúm título».
Actualmente, a referida novela de aventuras de Xavier Alcalá encontra-se em processo de reediçom noutra editorial polo que o autor destacou que a implicada na polémica e a sua editorial deverám resolver o problema com o título, pois ele nom tem intençom de alterá-lo.
