1973-2023. 50 anos de Resistência cultural procura recuperar a memória histórica da SCD
Este 2023 é um ano especial para a Sociedade Cultural e Deportiva (SCD) do Condado, pois fam-se 50 anos da sua fundaçom, no ano 1973. Para comemorar cinco décadas de ativismo a associaçom aborda um trabalho de investigaçom e documentaçom para plasmar num livro a trajetória deste coletivo, assim como refletir a sua incidência na comarca do Condado e arredores.
Trata-se dum trabalho que pretende recuperar a memória histórica mais recente, essa que começou quando um grupo de moços e moças se juntárom para construir de seu espaços de convívio e autoorganizaçom, com a língua galega como ferramenta comunicativa em pleno franquismo, com umha oferta cultural original, que promove manifestações criativas que tinham sido silenciadas, quando nom perseguidas.
Para conseguir o financiamento da ediçom do livro a SCD do Condado vem de lançar na plataforma goteo umha campanha de micromecenato que já superou nas primeiras 72h os 2.300 euros. Sendo 8.235€ o mínimo e 9.235€ o montante ótimo para afrontarem os custos de ediçom, diagramaçom, correçom e recompensas.
O livro terá umha extensom aproximada de 250 páginas, que incluirám reproduçons de textos históricos, um importante apartado de documentaçom gráfica a partir de fotografias de todas as etapas da associaçom e umha parte central que acompanhará o desenvolvimento da SCD ao longo de 50 anos.
O livro terá umha extensom aproximada de 250 páginas, que incluirám reproduçons de textos históricos, um importante apartado de documentaçom gráfica a partir de fotografias de todas as etapas da associaçom e umha parte central que acompanhará o desenvolvimento da SCD ao longo de 50 anos.
A previsom é que entre no prelo nas primeiras semanas do mês de julho para apresentá-lo o 25 de julho, Dia da Pátria. E nos dias seguintes começar a enviar as recompensas.
O livro dividirá-se em três apartados. O primeiro deles contará com textos de Marga do Val, Margarita Ledo, José Viale Moutinho, Gustavo Luca, Iñigo Aranbarri e Jose Luis Otamendi, Manuel Rivas, Ricardo Gurriarán e da própria SCD, dando forma a um limiar coral com personalidades destacadas na história da SCD Condado.
A parte central do livro leva por título “50 anos de resistência cultural” e está escrito polo jornalista e membro da SCD, Carlos Barros González, que realiza umha crónica histórica do percurso da Cultural do Condado desde a sua fundaçom até a actualidade, a partir de testemunhos orais, hemeroteca e documentos internos. Sacando à luz feitos históricos transcendentais para a comarca mas pouco conhecidos nos nossos dias, nos quais a SCD Condado tivo um papel protagonista.
A parte central do livro leva por título “50 anos de resistência cultural” e está escrito polo jornalista e membro da SCD, Carlos Barros González, que realiza umha crónica histórica do percurso da Cultural do Condado desde a sua fundaçom até a actualidade, a partir de testemunhos orais, hemeroteca e documentos internos.
O último apartado contará com umha escolma de 50 poemas das 34 passadas ediçons do Festival da Poesia, um por cada ano de história da SCD, elaborada por Ana Salgado, Isaac Lourido e Daniel Salgado, assim como umha listagem com os nomes de todos e todas as poetas participantes na nossa festa desde a primeira ediçom. Também, um artigo do linguísta corunhês Xian Naia com a sua cartografia da experiência militante do Festival da Poesia, e um conto inédito de Manolo Soto “O Rata” comentado por Raquel Castro, para concluir com um epílogo escrito por Xurxo Souto.
Pode-se colaborar na campanha de micromecenato na seguinte ligaçom: https://www.goteo.org/project/1973-2023-50-anos-de-resistencia-cultural
