PGL – A organizaçom estudantil Agir organizou umha palestra para o dia 4 de Março sobre a utilidade da língua galega no âmbito científico, em que participará o doutor em biologia, professor de traduçom em Vigo, e presidente da Comissom Lingüística da AGAL, Carlos Garrido.
O professor irá a Compostela para intervir dentro da campanha de defesa da língua organizada por Agir. «Estamos a incentivar os encontros e palestras para que o alunado poda ter voz, participando organizadamente na resposta nacional ao espanholismo do PP, e contando também com a participaçom de personalidades do mundo escolar que reivindiquem um espaço próprio para o galego sem dependências de nengumha classe, tampouco normativas», manifestam da organizaçom estudantil.
Com a defesa e a aposta pola estratégia do reintegracionismo linguístico e o monolingüismo social, Agir reivindica o espaço da nossa língua no âmbito científico-académico.
«A faculdade de Bilogia da USC é o espaço idóneo para achegar-nos a uns estudos em que a nossa língua padece dumha marginalizaçom extrema, em que os conhecimentos som expressa e invariavelmente transmitidos em espanhol… deixando ao léu o galego como língua de andar por casa e inútil em determinados ámbitos do saber».
Porque o galego existe no mundo como ferramenta de acesso à ciência, da Agir tencionam, segundo explicam: «fazer umha pequena introduçom a esse desconhecido mundo. Existe e reivindicamo-lo».
Professor Carlos Garrido
Carlos Garrido, natural de Ourense e de 42 anos de idade, é estudioso da língua especializada, lexicógrafo e tradutor científico, autor de vários livros (como o Dicionário Terminológico Quadrilíngüe de Zoologia dos Invertebrados e o Manual de Galego Científico) e professor titular de traduçom de textos científicos e técnicos na Universidade de Vigo.
+ Ligaçons relacionadas:
