O PP contra o uso do galego nas Cortes espanholas
Esta semana aprovou-se na Câmara Baixa do Estado espanhol o uso de galego, eukara e catalám por parte das deputadas e deputados. A instituiçom, após quarenta e seis anos permitindo apenas o castelhano, aprova esta medida com 176 votos a favor e 169 votos contra dos partidos de direita e ultra-direita: Partido Popular, Unión del Pueblo Navarro e Vox. Os deputados e deputadas desta última organizaçom, forom embora assim que encetou a primeira intevençom em galego.
A câmara, após quarenta e seis anos permitindo apenas o castelhano, aprova esta medida com 176 votos a favor e 169 votos contra dos partidos de direita e ultra-direita: Partido Popular, Unión del Pueblo Navarro e Vox.
A apertura do debate realizarom-as as formações solicitantes, sendo o primeiro a falar o deputado do PSdG por Lugo, José Ramón Gómez Besteiro, quem fez ficanpé na “riqueza cultural e linguística da Espanha”.
Também em chave de coesom espanhola falou em galego a voceira de Sumar, Marta Lois, que citou um trecho de Castelao em 1931 num apelo à uniom do Estado.
Por outra parte, o terceiro deputado a usar a nossa língua em Madrid foi o do BNG, Néstor Rego, o único que fixo a súa intervençom integramente em galego, defendeu a realidade nacional da Galiza, e citou Castelao para lembrar que “temos umha língua extensa e útil.”
Aliás, Rego realizou outra intervençom em que reforçou esta ideia reintegracionista “a nossa língua comum, a língua dos falantes de galego do Bierzo, do Eo-Návia, das Portelas ou dos três concelhos do Vale do Xálima. A língua comum com os falantes de Coimbra, de Luanda, do Rio de Janeiro ou de Díli, no afastado Timor Leste”:
Participaram também representantes nacionalistas de Euskal Herria e Catalunha que fizeram fincapé na realidade nacional dos seus territórios.
