PGL – Continuando a tradiçom inciada o ano passado, amanhá, sexta-feira dia 9 de outubro, os integrantes do colectivo ridiculista Seio que nos Figestes… celebrarám em parceria com o C.S. A Esmorga de Ourense a segunda ediçom da “Fiesta Españhola”. Que no nos falte de ná!
Segundo informam seu blogue, para assistir à celebraçom ridiculista é imprescindível ir disfarçado/a de espanhol/a e apontam «que cada um/umha que interprete isso como quiser, livremente. Libertinamente mesmo, confundindo libertad com libertinaje se for preciso».
À entrada do C. S. A Esmorga a organizaçom instalará um fotocol onde as/os jornalistas gráficas/os da imprensa cor-de-rosa poderám imortalizar as/os V.I.P.s (Vassalos/as do Império Pequeno) que assistirem à Fiesta.
Ainda, quem tiver vontade de dançar ou cantar, poderá desfrutar em áudio e vídeo «de todas essas cançons espanholas que marcaram as nossas vidas de míseros colonizadas/os e que, para bem e para mal, todos e todas sabemos de cor».
Do Seioque, oferecem algumhas sugestons para o disfarce que disponibilizamos a seguir:
Personagens históricos (podedes tirar algumha ideia da letra da cançom de Joaquín Sabina Adivina, adivinanza)
Profissons tipicamente espanholas (torero, folclórica, guarda civil…)
Famosos/as em acçom (Duquesa de Alba, Duques de Lugo, Príncipes das Astúrias…)
Zi-páios (Cristovão Colombo, Francisco Franco, Manuel Fraga, Mariano Rajoy…)
Ci-ganos (El Cigala, Lola Flores, El Pescaílla, Camarón…)
«Deixa sair do armário (embora só seja por um dia) a/o espanholaç@ que levas dentro!»
+ Ligaçons relacionadas:
- Mais informaçom no blogue do CS A Esmorga
- Mais informaçom no blogue seioque.com
- Fiesta Españhola de 2008 [PGL, 10/10/2008]
