Neste sábado, 6 de maio, será entregue em Ferrol o XIX Prémio Couso de Liberdade de Imprensa a Marcos Méndez Moreira. O prémio está organizado polo Colégio Profissional de Jornalistas da Galiza (CPXG) e o Clube de Imprensa de Ferrol, com a colaboraçom do Concelho de Ferrol, e os atos poderám seguir-se também por streaming.
Os atos de celebraçom serám os seguintes:
11:30 horas. Oferenda na estátua ‘Às Ceives’, do escultor Manuel Patinha, no Cantóm de Molins. Leitura do manifesto elaborado pola jornalista Verónica Vázquez, a cargo da autora.
12.00 horas. Recepçom por parte do alcaide e corporaçom municipal e assinatura no livro de honra da cidade, no Teatro Jofre (Praça de Galiza, s/n).
12.30 horas. Entrevista de Rebeca Collado a Marcos Méndez e entrega do prémio, apresentada por Marta Corral, no Teatro Jofre. Fechará o ato a atuaçom musical de Abril Fado Atlântico.
A entrada aos atos é grátis até completar a lotaçom. Para todas aquelas pessoas interessadas que nom podam deslocar-se até Ferrol, os atos realizados a partir das 12:30 serám retransmitidos em streaming.
