PGL – O número 83 do Novas da Galiza trai entre os conteúdos em destaque umha reportagem de Antom Santos sobre a regiom de língua galega que está sob administraçom castelhano-leonesa. ‘Entre as Portelas: galeguismo persistente nas comarcas orientais’, é o título deste trabalho jornalístico.
Aproveitando a visita a Luviám por parte da Agrupaçom de Montanha ‘Augas Limpas’, Antom Santos aproxima-se das «condutas que olham para a Galiza inteira, e que mesmo tomam presença institucional», e aprofunda sobre a «galeguidade inqüestionável» da regiom, reconhecida mesmo nos tempos da ditadura franquista.
O periódico galego de informaçom crítica também referencia a multitudinária manifestaçom de 18 de outubro em defesa da língua galega, «a mais numerosa das mobilizaçons pola língua na história do país», enfatiza o jornal, que lembra também a existência dum bloco crítico articulado ao redor da plataforma Galego Sempre Mais e ao qual se somárom outros colectivos —nem todos reintegracionistas—.
Neste número 83, o Novas da Galiza também cede um importante espaço às rádios livres galegas. Na reportagem de Eduardo Maragoto fala-se da «luita pola emancipaçom das ondas radiofónicas», agora nucleadas através da iniciativa REGARLIC (Rede Galega de Rádios Livres e Comunitárias).
Outros temas de interesse tratados por este periódico som avanço da contestaçom popular contra a presença das tropas espanholas em Figueirido; a entrevista com o ex vereador de Cangas pola FPG, Mariano Abalo; a entrevista com os ex presos Santiago Vigo e José Gorgas; entrevista também com Lara Souto, da Sociedade Cultural e Desportiva do Condado ou a passividade da Junta ante a destruiçom do castro de Sam Cibrao.
Além das secçons habituais, o número 83 completa-se com colaboraçons de opiniom de Marta Salgueiro, Joám Lopes Facal, Artur Alonso Novelhe, Carlos Santiago e Valentim R. Fagim, e o humor de Pestinho +1 e do colectivo ridiculista Sei o que nos Figestes… que neste número centra a sua secçom numha foto-reportagem sobre o ‘referendo’ soberanista de Arins.
 |
 |
Clique em cima das imagens para ver as capas em tamanho grande
+ Ligaçons relacionadas:
