PGL – O Centro Cultural Simeom da Deputaçom de Ourense acolhe desde hoje a inauguraçom oficial da exposiçom ‘Sete vozes para o Coral de Ruada’, inserida dentro dos actos de celebraçom do 90 aniversário do emblemático Coral da cidade das burgas.
A exposiçom, nascida a partir dos fundos do próprio Coral, apresenta um percorrido pola memória da agrupaçom através de 7 palavras que definem a essência da mesma: Palavra, Movimento, Inovaçom, Galeguismo, Talento, Momentos, Legado.
Entre outros, a exposiçom guarda objectos relevantes na história do Coral, assim como quadros e outras obras de artistas relacionados com De Ruada. Ainda, a exposiçom inclui umha projecçom audiovisual e umha zona interactiva onde se poderám escoitar alguns dos temas fundamentais no repertório do colectivo musical.
Com 90 anos de história, o Coral de Ruada é já parte da memória colectiva de diferentes geraçons sendo ademais, por mérito próprio, umha das mais reputadas formaçons corais do país.
+ Ligaçons relacionadas
