PGL – Durante esta fim de semana, desenvolve-se a iniciativa «Convers-ando». Três dias na Marinha lucense para caminhar, falar e estabelecer debates arredor da questom lingüística galega.
O colectivo apresenta a actividade como umha marcha pola língua sem cartazes nem slogans, na que o importante é o contacto entre pessoas. Umha oportunidade de «botar a língua a pascer» para evidenciar que «o galego é a nossa casa». Na etapa do sábado dia 19 os participantes caminharám de Ribadeu até Vila Nova de Lourençá para, na jornada do dia seguinte, continuar até Mondonhedo.
As jornadas terám ademais actividades nas ruas polas tardes, em Ribadeu, Lourençá e Mondonhedo. No programa da organizaçom está previsto o teatro de rua, jogos, a elaboraçom de um mural no que expressar mensagens positivas arredor da língua, e outras actividades nas que recolher impressons sobre a importância do galego. Ainda, os organizadores estám abertos a novas propostas.
+ Ligaçons relacionadas:
