PGL – No passado mês de Junho ficou constituída Agarimar, umha associaçom de maes e pais cientes da necessidade dumha criança alternativa que permita um melhor desenvolvimento integral das/os nenas/os.
A nova associaçom conta também com um blogue no serviçio de hospedagem da Associaçom Galega da Língua (Blogues AGAL-gz). Neste espaço virtual, como é habitual noutros colectivos, informam das suas actividades e fornecem os dados de contacto para participar no projecto.
Mas as potencialidades dos blogues vam mais além, e habilitárom também umha Bebeteca, umha série de objectos que se deixam em empréstimo entre pais e maes. Banheiros, mudas, ou cadeiras som alguns dos objectos que já mesmo estám ao seu dispor.
A constituiçom formal de Agarimar foi a meados do mês passado, em concreto de 13 a 14 de Junho no concelho de Baltar. Organizou-se um convívio na casa rural Couto Misto. Umha vez instaladas, após o jantar as pessoas participantes mantivérom um debate sobre os modelos educativos.
Fruto da troca de opinions fizo-se umha compilaçom das principais correntes pedagógicas do século passado que pode ser consultada na categoria de formaçom do blogue.
A assembleia constitutiva da Associaçom Agarimar tivo lugar sob os seguintes objectivos:
- Necessidade de procurar e construir um novo modelo educativo nacional.
- Coordenar recursos válidos para a educaçom das nossas crianças em galego, em valores anti-capitalistas, nom patriarcais, comunitários e ambientais.
- Promover e facilitar actuaçons e iniciativas no país que aportem espaços alternativos de crescimento colectivo, onde relacionar-se livremente.
- Aportar informaçom, recursos e apoio a pessoas, iniciativas, entidades… que promovam projectos ou actividades educativas alternativas em galego e nos valores promovidos desde esta associaçom.
+ Ligaçons relacionadas:
