PGL – Significados como ‘tonto’ ou ‘tartamudo’ para o termo ‘gallego’ devem ser erradicados do dicionário da Real Academia Espanhola (RAE), por eles serem «incompletos e pejorativos». Esse é o propósito firme da recém criada Asociación Cultural Garipano, com sede na cidade de Santiago de Compostela.
Da associaçom compostelana afirmam que «depois de muita investigaçom e tempo dedicados a contactarmos com as Academias da América do Sul, descobrimos que os significados de ‘tonto’ e ‘tartamudo’ som irreais tal e como os mostra a RAE».
Ainda, acham que «nengumha comunidade de pessoas merce ser abafalhada em nengum lugar e muito menos numha obra académica de tal prestígio». Pedem, igualmente, para que a definiçom de língua galega «seja realizado como é devido tal e como fam no mesmo dicionário com a definiçom de línguas como ‘Catalán’, ‘Eusquera’ ou ‘Vasco’».
Da Garipano pensam também que na definiçom do termo devem incluir que o galego «é umha língua romance e que a Galiza foi um Reino independente», além desta definiçom «vir a ser estabelecida numha segunda ou, no máximo, terceira acepçom e nom numha sétima como aparece até ao momento.
Para conseguirem o maior número de apoios acabam de lançar um abaixo-assinado dirigido bem a entidades colectivas bem a pessoas individuais. O objectivo: a recolha de milhares de assinaturas que fagam pressom para que a RAE e as Academias Sudamericanas promovam as modificaçons oportunas na entrada ‘gallego’ do seu dicionário da língua espanhola.
Página web para a recolha de assinaturas
O termo ‘gallego’ no dicionário da RAE
1. Natural de Galicia. U. t. c. s.
2. adj. Perteneciente o relativo a esta comunidad autónoma de España.
3. adj. En Castilla, se dice del viento cauro o noroeste, que viene de la parte de Galicia. U. t. c. s.
4. adj. Ant., Arg., Col. y Ur. Dicho de una persona: Nacida en España o de ascendencia española. U. t. c. s.
5. adj. C. Rica. tonto (falto de entendimiento o razón).
6. adj. El Salv. tartamudo.
7. m. Lengua de los gallegos.
8. m. C. Rica y Nic. Especie de lagartija crestada que vive en las orillas de los ríos y nada con mucha rapidez.
9. m. C. Rica.libélula.
10. m. Cuba y P. Rico. Ave palmípeda de plumaje ceniciento, rabadilla, vientre y cola blancos, patas, pico y párpados rojizos.
11. m. Cuba. En un ingenio, dispositivo que aplana y nivela la caña antes de ser molida.
