O Centro Social da cidade do Leres desenhou um completo programa com propostas que já começam em abril, com as jornadas “Construindo futuro para a língua galega”, que pretendem ajudar a entender as ferramentas disponíveis para normalizar o galego, em colaboraçom com a area de normalizaçom linguística do Concelho de Ponte Vedra.
O 27 de abril: Imersom línguística palestra com Santi Quiroga. Coordenador nacional das Escolas Semente e professor no ensino público. Às 20:30h no Centro Social A Pedreira (Rua Serra, nº36, Ponte Vedra).
O 4 de maio: Umha língua extensa e útil colóquio com Tareixa Carro e Sechu Sende. A professora de português e o reconhecido escritor e regueifeiro achegaram as algumhas possibilidades do mundo da lusofonia para as falantes de galego. Às 20:30h no Centro Social A Pedreira (Rua Serra, nº36, Ponte Vedra).
O 11 de maio: O Galego nas redes sociais conversa com Nee Barros, Sara Seco e o projeto de divulgaçom Orgullo Galego. Explicaram-nos como é possível criar contido em galego com sucesso. Às 20:30h no Centro Social A Pedreira (Rua Serra, nº36, Ponte Vedra).
O 13 de maio: Monólogo “Vício houve sempre” com Atenea Garcia. Às 21:00h no Centro Social A Pedreira (Rua Serra, nº36, Ponte Vedra).
E nos dias 16 e 17 culminará com atividades festivas, como concertos, jogos populares, palhaços e umha rondalha pola língua que percorrerá a zona velha da cidade de Ponte Vedra.
Dia 16 de maio: Rondalha e concertos na Praça da Pedreira
Antes dos concertos haverá espaço para um evento lúdico reivindicativo. Para apoiar a mobilizaçom do CS A Pedreira anima às associações a assinarem o seguinte manifesto: https://forms.gle/DGcnaKFXZ1HeRkhb9
Nos concertos tocarám os cantautores Leo, Constenla e Sobrado, responsáveis do espetáculo Trés pés para un Suso onde re-interpretam músicas do Suso Vaamonde. Depois tocará o Sonoro Maxín, banda que trás muitos anos percorrendo os cenários do país, voltam com cúmbias e ritmos bailáveis.
Dia 17 de maio: Dia das Letras Galegas
Desde as 11:00h da manhã, na rua Serra (nas imediações da Praça de Abastos) haverá múltiplas atividades para todas as idades, jogos populares, animaçom infantil com Sororas e Peter Punk. Também, passa-ruas com o grupo Foula e umha “solta de livros viageiros” polas ruas da cidade. Ao meio-dia, está prevista umha sessom vermute com a música de Foula e um almoço popular que rematará com foliada, para o que cumpre reserva prévia no e-mail apedreira@riseup.net
