Bea Busto ganha Prémio Folhas Novas do Livro Galego pelo seu ensaio publicado em reintegrado



Um País a la gallega, ensaio em reintegrado editado por Através, recebeu o reconhecimento ao melhor ensaio na sétima ediçom dos Prémios que concedem a Asociación de Escritoras/es en Lingua Galega, a Asociación Galega de Editoras e a Federación de Librarías de Galicia.

bea-busto-com-premioO sábado passado, dia 7 de maio, decorreu em Compostela, no Teatro Principal, a Gala em que se derom a conhecer as pessoas galardoadas, recuperando-se o evento presencial após dous anos de emisom online devido à pandemia.

O processo filtrou entre quarenta e cinco finalistas, o que supom segundo as organizadoras “umha valorizaçom completa de toda a produçom editorial galega”. O processo desenvolve-se em quatro fases: há umha primeira escolha com propostas das três entidades organizadoras, com mais dum cento de títulos entre os publicados em 2021. Daí, o júri fixo umha primeira seleçom, resultando noventa obras candidatas aos prémios. Na terceira fase de seleçom, o júri selecionou três obras finalistas por cada categoria. E a resoluçom decorre na gala, com o anúncio das obras, iniciativas e profissionais ganhadoras.

O júri deste ano estivo formado por Inma López Silva, Miriam Ferradáns, Pilar Sampedro, Esther Gómez, Ramón Nicolás, Charo Portela e Susana Sanches Arins.
A gala foi apresentada por AldaoLado e também incluiu o espetáculo musical do trio pontevedrês Peña, ganhadores da última ediçom do prémio Narf que organiza a Deputaçom da Corunha.

Prémios honoríficos
Os prémios honoríficos desta ediçom forom para Xesús Alonso Montero, Mercedes Corbillón e Ana Luísa Amaral.

A AELG também designa todos os anos um/ha escritor/a galego/a universal. Este ano, a designaçom correspondeu a Ana Luísa Amaral (Lisboa, 1956), poeta e professora na Universidade do Porto, com áreas de estudo nas poéticas comparadas, feminismo e estudos queer.

2022-foto-final-ganhadoras-es-premios-follas-novasListagem de ganhadoras

Ensaio e Investigaçom
Um país a la gallega. Galiza no No-Do franquista, de Beatriz Busto Miramontes (Através Editora).

Divulgaçom
H2… Oh!!! Pingas científicas, de María Canosa (Editorial Galaxia)

Narrativa
O cervo e a sombra, de Diego Ameixeiras (Edicións Xerais de Galicia)

Infantil
Neko, de Eva Mejuto (ilustrado por Bea Gregores) (Oqueleo)

Juvenil
santoamaro, de Antonio Manuel Fraga (Edicións Xerais de Galicia)

Livro ilustrado
A Coruña, por David Pintor (Kalandraka Editora)

Banda Desenhada
Aldara. A lenda do cervo branco, de Inés Vázquez (Demo Editorial)

Iniciativa Bibliográfica
Colección Chave Mestra, VV. AA. (aCentral Folque)

Obra traduzida
Canto eu e a montaña baila, de Irene Solá. Traduçom de María Alonso Seisdedos (Kalandraka Editora)

Poesia
O que fica fóra, de Manuel Rivas (Apiario)

Teatro
As desterradas, de Carme Varela (Edicións Xerais de Galicia / Xunta de Galicia)

Livro melhor editado
O que fica fóra, de Manuel Rivas (Apiario)

Prémios a trajetórias

Iniciativa fomento da leitura
– Poetas Di(n)versos, por Yolanda Castaño

Projeto literário em rede
– O Arquivo das Trasnas (Instagram), VV. AA.

Jornalismo Cultural
– Belén Regueira

Os prémios estám organizados pola Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia. E contam com o apoio da Deputación da Coruña, Concello de Santiago, CEDRO (Centro Español de Dereitos Reprográficos) e Xunta de Galicia.

 


PUBLICIDADE