PGL – Patrocinado polo Governo basco e a Fundaçom Leizaola, organiza-se durante os dias 20 e 21 de Novembro no Palácio Euskalduna de Bilbao o Primeiro Congresso sobre línguas menorizadas. A AGAL foi convidada na sua condiçom de entidade comprometida com a língua da Galiza e entidade de referência da Galiza, capaz de poder fornecer os dados mais precisos sobre a actual situaçom linguística.
Na sexta, dia 21, às 10h00, vai ter lugar um painel onde serám apresentadas as situações linguísticas e experiências em distintos países. Representando o caso galego estará o presidente da AGAL, Alexandre Banhos. O painel terá os seguintes relatores:
10h15 – Painel. Breve apresentaçom de projectos e experiências bem sucedidas para incitar o uso das línguas e dialectos entre jovens das comunidades representadas.
- D. Josep Lluís Doménech Zornoza, President de la Secció d’Assessorament Lingüístic de l’Acadèmia Valenciana de la Llengua.
- Dna. M. Jesús Ferrés Fluviá, cap del Servei de Llengües Modernes de la Universitat de Girona.
- D. Alexandre Banhos, Presidente de la Organización AGAL (Associaçom Galega da Lingua)
Conforme informou ao PGL, o presidente da AGAL vai apresentar como necessidade na Galiza a de desmontarmos o modelo ‘normalizador’ do poder e o seu sucesso, que nom é outra cousa que a substituiçom linguística, mostrando os traços que caracterizam esse modelo, e dos quais há informaçom muito confusa fora da Galiza.
A seguir, como elementos de sucesso para a língua, Alexandre Banhos falará em geral de todos os Centros Sociais, salientando a sua importância e colocando os exemplos do Faísca de Vigo e a Getalha do Pichel de Compostela como paradigma do sucesso destes centros e a sua importância na recuperaçom linguística.
- Descarregar programa do Congresso em PDF
