A Administraçom galega quer oficializar polo menos “umha toponimia bilingue” para permitir que utilizar oficialmente os nomes tradicionais nas comarcas fora da administraçom da CAG (Comunidade Autonómica Galega).
O Secretario Xeral de Política Lingüística, Valentín García afirmou na semana passada que está a trabalhar pola oficialidade dos topónimos em galego no Bierzo e Seabra, durante umha intervençom na comisom de Cultura para responder a umha pergunta do PPdeG sobre os resultados do ensino de galego em ambas as duas comarcas, que fazem parte, administrativamente, da Comunidade Autónoma de Castilla y León.
Assim, poderiam recuperar-se formas como “Toural dos Vados” ou “Vilafranca do Bierzo”, sinalou Valentim Garcia, quem destacou que “nom é fácil”, aliás, que o processo está ainda nos inícios; “estamos a começar a mover as primeiras peças”, apontou.
Valentim Garcia avaliou o programa de ensino de galego nestas comarcas, onde agora mesmo se impartem aulas de galego em 19 centros de ensino, e conta com umha cifra de alunado que chegou aos 1.173 alunos e alunas, no presente curso. “Nom é umha cifra espetacular, mas é mui importante para a demografia da zona”, destacou Valentín García.
Nesta linha de trabalho com estas comarcas sob administraçom de Castilla y León, Valentín García sinalou na sua intevençom a vontade de começar umha “nova fase” em relaçom ao galego na toponímia, sendo que, defendeu, “as formas patrimoniais som galegas”.
Assim, poderiam recuperar-se formas como “Toural dos Vados” ou “Vilafranca do Bierzo”, sinalou Valentim Garcia, quem destacou que “nom é fácil”, aliás, que o processo está ainda nos inícios; “estamos a começar a mover as primeiras peças”, apontou.
