PGL – A Real Academia Española (RAE) anunciou que tirará da XXIII ediçom do seu dicionário a definiçom de «tonto» como sinonimo de galego, contudo, na ediçom digital ainda nom realizarom qualquer cambio.
A RAE mantém que na fala coloquial de Costa Rica continua a empregar-se a palavra «gallego» com o significado de «tonto», mas a instituiçom viu-se obrigada a retirar a ofensa de base histórica porque nom achou documentos escritos nos que apareça reflectido este uso do termo.
Ainda, de Costa Rica tinham manifestado que o uso do termo era «absolutamente arcaico e residual» e que era difícil encontar testemunhas que conhecessem tal definiçom.
No entanto, na versom electrónica do dicionário ainda é possível consultar o verbete com a definiçom pejorativa (ver imagem 1), já que supostas «dificuldades informáticas» impossibilitaram apagá-la totalmente. Contudo, já se pode consultar uma versom emendada do mesmo verbete (ver imagem 2) que, porém, continua a incluir a definiçom «lengua de los gallegos» nos últimos lugares.
Imagem 1: ainda é possível consultar a acepçom pejorativa de «gallego»
Imagem 2: na redacçom proposta para o artigo emendado, a definiçom
«lengua de los gallegos» continua nas últimas posiçons
