PGL – O Partido Popular da Galiza (PPdeG) continua instalado numha política involucionista sobre o enquadramento legal do galego. O último ataque à nossa língua chega do grupo municipal deste partido em Vigo, actualmente na oposiçom.
Os ‘populares’ vigueses anunciárom umha moçom para mudar a ordenança municipal de normalizaçom lingüística por «atentar» contra o Estatuto galego e a Cosntituçom espanhola. O artigo que encrespa os nervos do PP viguês é o que recolhe que o galego é a língua oficial da administraçom municipal. «Barbaridade jurídica» a olhos do deputado e edil municipal Ignacio López Chaves, quem explicou à imprensa a sua «preocupaçom polo grave sucesso».
López-Chaves destacou ainda o «grave deterioramento do exercício de liberdade lingüística» na Cámara municipal, e avançou que o Partido Popular, numha nova iniciativa contranormalizadora, solicitará que os impressos municipais sejam bilingües, e que os escritos dirigidos à cidadania sejam na língua que os vigueses decidam ou —se os resultados no forem os aguardados— que sejam bilingües.
Curiosamente, a norma leva vigorada 21 anos, e nunca se pediu a sua modificaçom, nem sequer quando López-Chaves foi vereador de Normalizaçom Lingüística na Cámara municipal (2003-2007).
