O poemário O Episódio, de Alberte Momán e Verónica Martínez Delgado, foi a obra ganhadora da nona ediçom do Certame de Poesia Erótica Ilhas Sissargas. A decisom do júri foi conhecida no fim-de-semana no decurso de umha ceia em Bunho (Malpica), evento em que se apresentou a obra ganhadora da anterior ediçom do concurso, Dominio Público, do arouçano Ramón Neto, que reside há 16 anos em Bruxelas.
Martínez Delgado, Momán e Neto deslocárom-se até Malpica para participar na ceia de confraternizaçom em que se fizo pública a decisom do júri e recebêrom a premiaçom do certame, 1.000€ e duas peças de olaria de Bunho.
Participações anteriores
Dá-se a circunstância, aliás, de que Alberte Momám já vencera a primeira ediçom do certame; pola sua parte, Verónica Martínez lograra umha mençom em 2013 graças ao poemário Ode à Madison Ivy e outras coisas de meter, que estes dias vê a luz mercê à editora Caldeirón.
+ Ligações relacionadas:
- A obra colectiva O episodio, gañadora do IX Certame de Poesía Erótica de Malpica [Que pasa na Costa, 09/11/2014]
- Obra na norma internacional do galego logra mençom no prémio Ilhas Sissargas, que venceu Ramón Neto [PGL 2.0, 13/11/2013]
