PGL – A Gentalha do Pichel disponibilizou no seu blogue o áudio da conferência O renascer do Apalpador, proferida por José André López Gonçález. A dissertaçom sobre esta figura tradicional do nosso povo foi a primeira realizada por este autor, após declinar um convite da Universidade de Deusto para poder estar com o pessoal de Compostela.
José André López Gonçález é, para além do autor do primeiro estudo [PDF] publicado sobre esta figura do folclore popular galego, o responsável do português da Galiza do maior arquivo virtual sobre estudos marxistas, o Marxism internet archive. Nesta linha, López Gonçález explicou que toda a sua exposiçom seria feita em chave marxista.
Na palestra, López Gonçález destacou que nos dias de hoje ainda há vestígios que podemos rastejar através dos escritos clássicos latinos e da própria experiência. Assim, o autor referiu as infundadas críticas que atacam às nossas tradiçons argumentando que o Apalpador ou Pandigueiro, som um novo invento. López Gonçález argumentou que para a historiografia espanhola a Galiza, os seus costumes e as suas tradiçons também som um invento. Ainda, o autor falou das vozes que tenhem argumentado razons como que fora das montanhas luguesas ninguém recorda a tradiçom, polo que há quem diga que a tradiçom nom é 100% galega, ao que o autor responde que há 20 anos ninguém conhecia o Pai Natal na Galiza, e hoje é um tradiçom imposta a todos nós, com todos os costumes que este ser arrasta (árvore de natal, luzes de cores etc.).
José A. Lopes referiu que «o Apalpador nom é apenas umha recolha etnográfica, mais ou menos engraçada, senom que é algo que está vivo e que necessariamente teremos de recolher se é que queremos mantermo-nos como povo diferenciado», e nesta linha, destacou o importante trabalho que os centros sociais figérom nos últimos 3 anos para recuperar a figura do mágico carvoeiro.
Finalmente, Lopes destacou que «as críticas ao Apalpador tenhem muito a ver com o tema da identidade. As tradiçons que venhem de fora machucam as nossas». A palestra foi encerrada com um interessante colóquio que contou com alargada participaçom por parte do pessoal assistente.
{mp3remote}http://www.archive.org/download/PalestraApalpador/palestra.mp3{/mp3remote}
A conferência pode ser ouvida e descarregada nesta ligaçom
O Apalpador em Ferrol
Hoje, dia 30 de Dezembro, o Apalpador poderá ser visto novamente polas ruas de Ferrol, repartindo castanhas e brinquedos entre as crianças, acompanhado de música de gaitas. O velho carvoeiro do Courel e a sua quadrilha de trasnos, convidados polo pessoal da AC Artábria, voltarám sair polas ruas do bairro de Esteiro.
O Apalpador em Lugo
Também, e graças à colaboraçom do centro social Mádia Leva, as crianças luguesas poderám conhecer ao Apalpador, que visitará o local do colectivo por volta das 17h00 para logo sair em cortejo polo casco velho. O carvoeiro irá apalpar as barriguinhas das crianças por ver se estam bem mantidas e deixar-lhes umha presa de castanhas para que tenham fartura. Ainda, há uns dias foi a própria Deputaçom provincial de Lugo, através da Vice-presidência primeira, a que também levou o Apalpador polas ruas da cidade da muralha.
+ Ligaçons relacionadas:
- CS A gentalha do Pichel
- Canal “O Apalpador” no PGL
- Pedem unificar a imagem do Apalpador [PGL, 10/12/2009]
- O Concelho de Santiago promove alargadamente a figura do Apalpador neste Natal [PGL, 05/12/2009]
- O Apalpador chega também à publicidade [PGL, 04/12/2009]
- Grande trabalho dos centros sociais para recuperarem o Apalpador [PGL, 20/12/2008]
- O Apalpador tornará-se realidade no Natal galego [PGL, 08/11/2008]
- A Gentalha do Pichel recupera o Apalpador, figura mítica do Natal Galego [Velho PGL, 27/12/2007]
-
Polo Natal… Chega o Apalpador. Cartaz explicativo em PDF. Gentalha do Pichel, novembro de 2008
-
José André Lôpez Gonçález. O Apalpador. Personagem mítico do Natal galego a resgate. Texto [em PDF] publicado polo PGL em 31 de dezembro de 2006
- Grupo do Facebook O Apalpador quer ser o teu amigo
- Material didáctico editado pola AC Foucelhas para enviar às escolas [em PDF]
