PGL – Da Fundaçom Artábria convocam um concurso para promover o conhecimento da figura do Apalpador entre as crianças galegas. Com esse intuito nasce o I Concurso Escolar “Conhecendo o Apalpador”, no qual podem participar crianças de 3 a 12 anos, divididas em duas categorias em funçom da idade, segundo se indica nas bases. Haverá três prémios possíveis, os quais serám entregues a 28 de dezembro no local social da entidade ferrolana.
A seguir reproduzimos as bases do concurso, em que se detalham o procedimento para participar e os requisitos.
1.- Haverá duas categorias. Umha primeira para crianças entre 3 e 6 anos. A segunda, para crianças com idades entre 7 e 12.
2.- Para poder participar no concurso, cada criança deverá apresentar um desenho original, com qualquer material ou técnica, relativo à figura do Apalpador. O desenho será apresentado numha folha de papel de tamanho A4.
3.- Estabelecem-se 3 prémios por categoria, que consistirám num lote de produtos relacionados com a figura deste mítico personagem da mitologia galega. O júri poderá concender as mençons honoríficas que considerar oportuno, assim como declarar deserto qualquer um dos prémios.
4.- Os trabalhos candidatos aos prémios terám que ser enviados antes de 21 de dezembro de 2012 ao seguinte endereço: Fundaçom Artábria, Travessa de Batalhons n.º 7, baixo. Ferrol.
5.- Para identificar os trabalhos, os desenhos deverám levar um envelope em cujo exterior se faga constar “Concurso conhecendo o Apalpador” com os dados do curso em que se matriculou o/a concursante, e em cujo interior devem figurar o nome e apelidos, idade, curso, e centro em que está matriculado/a, além dumha autorizaçom do pai, mae ou tutor/a para participar no concurso.
6.- O júri será composto por 2 pessoas da Diretiva da Fundaçom Artábria e o próprio Apalpador. A decisom do júri será inapelável e dará-se a conhecer na terça-feira 25 de dezembro, mediante a publicaçom no nosso web: www.artabria.net.
7.- Os prémios serám entregues polo Apalpador no dia 28 de dezembro no nosso Centro Social.
8.- A participaçom no concurso supom a autorizaçom expressa para a difusom das imagens.
9.- A participaçom no concurso supom a aceitaçom de todas e cada umha das presentes bases, assim como o critério da Fundaçom Artábria na resoluçom de qualquer questom nom prevista nestas bases.
+ Ligaçons relacionadas:
