Carlos Quiroga ganha o prémio Vicente Risco de Ciências Sociais



O escritor e professor da USC foi o vencedor da XXV ediçom do Prémio Vicente Risco das Ciências Sociais com um ensaio intitulado A costela galega de Eça de Queirós.

carlos-quirogaSegundo fixo público a Asociación de Escritoras e Escritores en Lingua Galega (AELG), entre os trabalhos que concorriam ao galardom escolheu-se este por estar “bem estruturado” e ter “rigor científico”. Destacando-se também que se dirige a um “público amplo da Galiza e Portugal”.

Carlos Quiroga, reintegracionista e membro da AGAL, demonstra no seu trabalho a origem galega de Eça de Queirós, com a aportaçom de “abundante documentaçom”, tanto de carácter administrativo como histórico.

Outro dos pontos em que incide o coletivo é o trabalho realizado polo autor para desenhar umha genealogia que retrata “as relaçons comerciais, culturais, sociais e humanas entre o sul da Galiza e o norte de Portugal entre os séculos XVII e XIX”. Em este caso, como em outros momentos da história, “questionar-se mesmo a ideia de fronteira”.

O prémio inclui umha dotaçom económica de 4000 euros e também fôrom destacados dous accésit, que terám direito à publicaçom dos textos: para Breixo Martins Rodal por Da ría ás Rías Baixas. Paisaxe, turismo e territorio e para Juan Antonio Seara Ferro pola obra O Corpus Christi de Allariz.


Do certame

A convocatória é impulsionada pola Fundaçom Vicente Risco, os concelhos de Alhariz e Castro Caldelas e a Universidade de Trás-os-Montes e Alto Douro (UTAD)(Vila Real -Portugal), representada pola Escola de Ciências Humanas e Sociais (ECHS). Tem por objetivos honrar a memória de Vicente Risco, ajudar à consolidaçom da cultura e a fortalecer as relaçons de Galiza com Portugal e a Lusofonia.


PUBLICIDADE

  • https://pgl.gal Valentim R. Fagim

    Muitos parabéns, Carlos. Quando os prémios não censuram modelo de língua, sucedem estas cousas.

  • Alhobugalho

    Muitos parabéns!

  • Mário J. Herrero Valeiro

    Parabéns, Carlos! Que alegria! E quanta verdade há nas palavras do Valentim.

  • Alonso Vidal

    Parabéns, Carlos.!

  • Galician

    Eça de Queirós foi um gigante. Sem dúvida o mais grande escritor europeu do S. XIX e um dos mais grandes de todos os tempos…

    C. Quiroga outro gigante deste país, sem dúvida… Sempre investiga e publica cousas extremadamente interessantes…

  • https://pglingua.org/index.php abanhos

    algo a ler com muito interesse. Pagará bem a pena