PGL – Sexta-feira, 23 de dezembro, a Sociedade Cultural Mádia leva! e a associaçom A Cova da Terra co-organizam em Lugo uma feira de consumo responsável com presença do Apalpador. O ato coincidirá com a visita do gigante carvoeiro do Courel à cidade da muralha.
O Apalpador apresentará-se por volta das 18h na Praça Maior. Haverá diversas atividades como obradoiros de brinquedos reciclados, chocolate quente, castanhas e jogos para crianças, e mesas de material e diversa informaçom das associaçons organizadoras. Como já e tradicional, o carvoeiro virá acompanhado de trasnos e de foliada, polo que os organizadores animam a gente a que traia os seus instrumentos musicais.
Para preparar a bem-vinda ao Apalpador e o resto de atividades do dia 23 os organizadores organizárom ontem umha assembleia aberta no centro social. A associaçom luguesa leva colaborando desde 2008 com a Gentalha do Pichel de Compostela e outros centros sociais na recuperaçom da entranhável figura do Natal galego
A Cova da Terra define-se como umha associaçom galega sem ánimo lucrativo, de comércio justo e consumo responsável, que trabalha na transformaçom da sociedade desde o ámbito local na procura dumha maior consciência ambiental e social dos e das galegas.
Cartaz da atividade
[prime aqui para alargar a imagem]
+ Ligaçons relacionadas:
- C.S. Mádia Leva
- A Cova da Terra
- O Blogue do Apalpador
- Volta o Apalpador a Lugo (cartaz)
