Na fanpage da AGAL e o PGL no Facebook sorteárom-se já os bilhetes para assitir de graça à quarta peça do ciclo de teatro lusófono que entre janeiro e maio decorrerá em Santiago de Compostela. Os usuários e usuárias de Facebook Saul Santim, Raul Rios, Álvaro Ordóñez, Susana S. Arins e Tere Vázquez poderám assistir de graça à encenaçom de O Mandarim, na quinta-feira, dia 9 de abril, às 20h30.
O Mandarim é umha peça de sabor oriental do clássico Eça de Queiroz, levada à cena pola Companhia de Teatro de Almada, a qual estreou esta produçom em novembro do ano passado e esgotou as 15 sessões que ao longo desse mês se realizárom. A encenaçom agora em Compostela é umha produçom fruto da linha estratégica do CDG de colaboraçom com companhias de teatro portuguesas.
Descontos para sócios/as da AGAL e sorteio
As sócias e sócios da da AGAL poderám já desfrutar de um preço especial de 3 € graças ao acordo assinado entre a associaçom e a o CDG para a promoçom deste programa de teatro galego e português. Pata terem o bilhete reservado a preço especial, deverám escrever a logistica@agal-gz.org antes do dia da funçom às 15:00h, indicando o seu nome e apelidos.
COMPANHIA DE TEATRO DE ALMADA: O Mandarim
- Autoria: Eça de Queiroz
- Direçom e dramaturgia: Teresa Gafeira
- Elenco: André Alves, Catarina Campos Costa, Celestino Silva, João Farraia, Maria Frade, Pedro Walter
- Dramaturgia: Pedro Proença e Teresa Gafeira
- Cenografia e vestiario: Ana Paula Rocha
- Projeções: Pedro Proença
- Iluminaçom: José Carlos Nascimento
- Duraçom: 60 minutos
- 9 de abril, 20.30
- Salón Teatro
